بصى حاولى تختارى دايت بسيط تقدري عليه وخلى معظم اكلك صحى وسعراته قليله عشان تقدرى عليه يعني مثلا الخضار كتر منه سعراته قليله وهتحسى بالشبع منه ولو حصل دروب كملى عادى ومتبوظيش اليوم عشان وجبه
07 ago 23 por membro: malakgama666
|
حاولي تتصالحي مع جسمك وشكلك الحالي وفي نفس الوقت اسعي انك تتطوري و نوصلي شكل احسن
خلي الدايت بتاعك متوازن مفيهوش جوع وفري دايما بدايل صحيه اي اكله دلوقتي في ليها وصفات صحيه
اعملي رياضه ممتعه زي زومبا او اي dancing workout باغاني بتحبيها
وخلي في دماغك انك حلوة و وبتعملي كل ده عشان صحتك وجسمك هو رفيقك في رحلتك احترميه وحبيه وخليكي لطيفه معاه ومع نفسك
07 ago 23 por membro: Sandy♡♡
|
ومين قالك انك هتنجحي من اول وتاني محاولة
انتي كل مرة هتحاولي فيها ارادتك ببقه اقوي اكتر وهو ده اللي بيخليكي ترجعي بعد فترة تحافظي تاني
حاولي تاني وتالت وعاشر والنتيجة هتيجي بس متستعجليش
07 ago 23 por membro: Eng.'Mohamed'
|
بصي أنا باكل كل حاجه كنت باكلها بس بنسب أقل يعني لو باكل طبق رز بقيت باكل نص وباكل براحه جداا وبشرب مياه وسط الاكل عشان أشبع وكوبيتين مياه قبل الاكل وبطبخ بزيت مش سمنه وقللت الاكل المقلي والحلويات وربنا معاكي معلش.
07 ago 23 por membro: lameaosamaosama
|
طيب انتي مين قالك انك هتنجحى من اول ولا تانى ولا عاشر مرة حتى
وليه جسمك مش عاجبك اول خطوة فى التغيير انك تتقبلي نفسك وتحبي جسمك زى ماهو
احنا مش عايزين نعجب حد احنا بنخس علشان صحتنا ونعجب نفسنا
حبي نفسك وجربي مرة واتنين ومليون وعادي جدا تلغبطي وترجعي تلتزمى وتلغبطي وتلتزمي انتى يعنى فاكرة اننا هنا ملتزمين جدا كلنا بنضعف
ويجيلك اكتئاب ليه ياقلبي عشان ايه وعشان مين
انتى قمر زى ما انتى خليكي مقتنعة انك لو خسيتي هلا بالرشاقة مخسيتيش هلا بالملبن ونحاول تانى
الكلام ده من وحدة فى لحظة ضعف ويأس دعيت على نفسي انى اخس حتى لو يجيلي مرض يخسسني وحدة كنت بكره ابص فى المراية عشان كنت عبيطة ومش فاهمه
حبي نفسك وصاحبي جسمك
وامشي بطريقة نيللي شمس ٨٠. ٢٠ ابدئي بيها
وحاولي نفسك بفيديوهات لدكاترة زى نيللي شمس وجيهان رسلان ونورهان قنديل
غيري تفكيرك انا بخس لييييه
لو علشان الناس او عشان شخص هتيجي فى لحظة ضعف تقولى طظ وتلغبطي
خليها علشان صحتك
علشان اقدر اقوم بعباداتي بدون تعب علشان اقدر ارجع للطفلة اللى جوايا
واحنا معاكى لاجئين على التطبيق اى حاجه هتلاقي اخوات وأصحاب يشجعوكى
07 ago 23 por membro: مودة ...
|
07 ago 23 por membro: alaamehana05
|
بصي يا قمر ما تعمليش دايت خالص انسيه
اعملي نمط حياه صحي بعد عشره بالليل ما تكليس
لو بتاكلي طبق رز كبير يبقي طبق اصغر شويه لو رغيفين عيش يبقي رغيف ونص لو طبقين مكرونه طبق واحد يعني قللي شويه شويه صيمي اتنين وخميس بصي انا رحت لدكاتره بس بيقلي اتغدي ٦ معالق رز وانا ف الوقت ده كنت باكل طبقين كبيره بالخضار فمكنت اكمل ابداي قللي شويه شويه كلي كل حاجه بس نسب قليله
ممنوع موالح بيبسي حلويات لموده اسبوع واوزني حتلاقي نفسك بداتي تخسي وانت بنفسك حتتشجعي
اه انا دلوقتي لو زودت رز بابقي اربع معالق موش اكتر وموش بقدر ازود ع كده
07 ago 23 por membro: ندي ك
|
الاء
يبقى كلامى ليكي انتى كمان
07 ago 23 por membro: مودة ...
|
بصي ف قنله اسمها كارديو دانس فتنس بجد ممتازه
07 ago 23 por membro: ندي ك
|
بصي يا حبيبتي اول حاجة تعمليها تصدقي واطلبي من ربنا ييعينك
وابتدى واحدة واحدة قللي الكميات الاول لمدة اسبوع بعد كده اسحبي السكر وقللي النشويات خالص
واعملي يوم الوزن هو اليوم الفرى
بعد ما توزني عشان يحفزك
واعملي رياضة
07 ago 23 por membro: اسماء.عبده
|
بصي مفيش حاجه اسمها اراده ضعيفه في بيئه غير مناسبه محاطه باكل غير صحي فاول حاجه ظبطي البيئه المحيطه ووفري الاكل الصحي حواليكي وحبي نفسك وجسمك دي امانه ربنا مدهالنا زي الطفل هل هنكرهه لو شكله مش حلو هنحبه ونخليه في احسن شكل ممكن وهنحارب علشن نحسن منه ثقي في نفسك وفي رغبتك للتغير وانتي تعملي البدع ومتقسيش على نفسك براحه نظام متوازن وبالتدريج مفيش حاجه بتتغير بين يوم وليله خدي وقتك ربنا يوفقك واستعيني بالله وابدئي نظمي حياتك مش هنسميه دايت خالص بالتوفيق ياقمر 💪💪
07 ago 23 por membro: Om habiba2020
|
هونى على نفسك وحبيها وواحدة واحدة
طول ما بتلومى نفسك كتير يبقي مش هتبدأى
07 ago 23 por membro: lolo9333333
|